UN DÍA MOI FELIZ

   Dende aquí darvos as grazas a tod@s e cada un de vós polo agasallo tan fermoso que me fixestes o último día do curso. É precioso. Sabedes que non era necesario pero... sí é verdade, que se agradece moitísimo, para min foi un detalle moi bonito do que me lembrarei sempre. GRAZAS!!!

   Agora a desfrutar do verán, pasalo moi ben, xogar moito, rir moito e vémonos en Setembro.

   Algunhas das fotos que me enviastes ao mail: pimpins.ocruce@gmail.com

ANIMALFABETO

   Un libro que nos encantaaaaaaaaaaaa!!! Este libro é o ANIMALFABETO. Dende o primeiro día que o vimos encantounos. Cada letra ensinábamos un animal e así fomos aprendendo os sons das letras para que así nos sexa máis sinxelo lanzarnos a escribir. É moito máis doado para nós aprender o son da letra e logo escribila ou recoñecela dentro dunha palabra que se aprendemos o seu nome xa que se dicimos a letra Peeee estamos adxuntándolle o sonido E. Por exemplo, á hora de escribir PEPE, escribiríamos PP porque así é como soaría, pola contra, se aprendemos o son da letra, se poñemos P darémonos conta de que hai algo que falta...P  E   P   E...Deixámosvos un vídeo que fixemos a última semana do cole para que vexades como aprendemos os sons das letras. Dende aquí graciñas a profe Patricia que nos grabou coa cámara para poder facer este vídeo.

SOMOS PAISAXE, SOMOS SENTIDOS

 Non queremos esquecernos do traballo do noso blog:  

http://somosentidos.blogspot.com.es/

   Con todo o axetreo de finais de curso, os Pimpíns, non puideron ver os libriños que fixeron entre todas as aulas de Infantil. Uns libros que recollen como eles e elas, senten, ven, oen, ...os distintos elementos que conforman a paisaxe e como o plasman en papel a través do debuxo e tamén como vivencian a música de Vivaldi adaptada a cada estación. Aquí podedes ver os libriños dos nen@s, na sección Os nosos libriños.

http://somosentidos.blogspot.com.es/p/os-nosos-librinos.html

   Aquí tamén podedes ver todas as fotos que trouxestes as familias a aula para observar o que ve cada nen@ dende a súa casa, na sección Vista.

http://somosentidos.blogspot.com.es/p/vista.html

Neste enlace poderedes ver as plantas e flores que trouxeron os nen@s ao cole, na sección Olfacto.

http://somosentidos.blogspot.com.es/p/olfacto.html