Contámosvos como imos avanzando na lectura e escritura.
Unha vez máis, a teoría está moi alonxada da práctica, é dicir, os métodos de lectura e demáis material van presentando as letras 1 a 1, primeiro p, despois m, despois t. Está ben, claro que sí, @s nen@s deben coñecelas todas, vale, ata aí ben.
O problema é que a diario, escribimos os nomes dos días da semana, o noso nome e apelido, o nome dos compis, ...aí xa están todas as letras!!! Por iso, a mellor forma ( para gustos os colores), é traballar dende un método global (non quita que se traballen as letras individualmente, nós facémolo tamén) pero...se se traballa por exemplo, a P, e escribimos pelota, non estamos traballando a l? e a t? e as sílabas? pe, lo, ta...por todo esto, empezamos duramente en setembro coas minúsculas e o resultado está sendo espectacular! Os Pimpíns van como balas!
Hai momentos de desconcerto, evidentemente, pero a base de repetir, de ler, de escribir, a diario, as cousas flúen, e os resultados, despois desa maraña de letras vense ben claras! E vaia se se ven!
Deixovos aquí unha actividade que facemos todos os días, @ encargad@ ten que escribir unha frase. 1º contamos as palabras que hai na frase para saber os ocos que teño que deixar. Así pasamos de:
Anenaestáxogando a A nena está xogando.
Contamos palabras e así sabemos que hai que deixar ocos entre elas.
Outra actividade, @ encargad@ debe ler unha frase e tod@s @s que están no seu grupo tamén lles toca ler. Individualmente lemos e logo hai que responder as preguntas da profe, para que? por que? Para traballar a lectura compresiva.
Que tiña Carolina na saia? Como esta o lagarto, pintado ou pegado? De quen era a saia? Como era a nena? Que me doía? Cando comín as galletas? Que é o que máis me gusta? Estas preguntas, son un exemplo, pero todos os días, adicamos uns minutos a este tipo de actividades. Non estamos a perder o tempo por non facer fichas, fichas e fichas, penso que estamos a INVERTIR O NOSO TEMPO.
De que serve ler senón entendo? De nada. Importante traballar esta idea. Ler pero entendendo o que se le. Isto é a base fundamental para a resolución dun problema ou dun texto en primaria, en definitiva, é a base do éxito académico.
