AVISO: XORNADA CONTINUA

   O próximo luns comeza XUÑO e con el, a XORNADA CONTINUA, que se estenderá ata o día 20, que será cando remate este curso 2013/2014.

   A partir do luns o horario será o seguinte:

   Os Pimpíns que van no autobús sairán do colexio á mesma hora de sempre, ás 16:00h.
   As familias que vides polos Pimpíns ao colexio podedes vir tamén ás 16:00h. por eles. Aínda así, se preferides vir por eles xusto despois de comer, o horario será de 15:00h. a 15:10h. para poder recollelos. O único que tedes que facer é firmar na conserxería.
   Lembrade, estarán acompañados en todo momento polas coidadoras do comedor ata as 16:00h.

TÓMBOLA 2014

   Aquí tedes un pequeno resumo do ben que o pasamos o día da tómbola, o venres 16 de Maio. Tivemos que aplicarnos moito nos diferentes xogos que había no patio para poder gañar moitos puntos e canxealos por regalos. A verdade é que se nos deu moi ben porque ao final saímos cargadiños de cousas!!!

EXCURSIÓN VENRES 30 DE MAIO

   O venres, como xa sabedes, por fin imos ir ao Museo de Belas Artes...canto levamos esperando!!! O horario será o habitual, de 9:30 a 16:00h. Xa sabedes, por cuestións organizativas, temos que volver pola tarde. 

   Como dicía a nota enviada, soamente é preciso meter na mochila unha botelliña de auga e un bocadillo, isto para os que traen a comida da CASA. Os que xa a levades dende o COMEDOR, non é preciso, xa que a bolsiña do bocadillo trae unha botella de auga.

   Despois da visita ao museo, iremos comer preto da Torre de Hércules cos nosos compañeir@s de 3º e de 4º de Primaria. Que ben! Cos maiores! Se chove, teremos que ir ata o pavillón dun dos colexios que está cerca da Torre. E despois...volta para casa!

A NOSA ÚLTIMA EXCURSIÓN DO CURSO DE 3 ANOS!!! 

QUE BEN O IMOS PASAR! 

   Hoxe estivemos falando da excursión e temos moitas ganas de ver ao GIGANTE e tamén as MARISCADORAS de Luis Seoane.

17 DE MAIO. DÍA DAS LETRAS GALEGAS

O DURO INVERNO

     Botamos a vista atrás, aínda que non moito, xa que non fai tanto que marchou o frío...se é que marchou, jijiji, e lembrámonos dunha actividade que os Pimpíns desfrutamos moitísimo! Puxemos a roupa de abrigo; chaqueta, gorro, luvas, botas, bufanda e AO FRÍO! Uns tiveron un día de vento terrible...outr@s un día de chuvia incríble e outr@s tiveron que andar sobre a neve!!! Foi algo difícil o de facer como se chovera, como se nevara, como se fixera vento...pero coa axuda dun paraugas, de neve feita con xabrón e dun secador...jajaja...puidemos imaxinalo todo e así o fixemos! Mirade, mirade!

Construíndo o noso agasallo...

   
   Deixámosvos un resumo de todo o que fixemos para facer este regalo:

1- Pintar as oveiras. Cada Pimpín tiña 6 e non podía ter ningunha da mesma cor..., amarela, verde, violeta, rosa, vermella, laranxa. (Unha tarefa ben complicada...Primeiro por dentro, despois por fóra, logo colocala enriba dun papel para que fora secando, cambiar de cor de pincel e pintar outra, e outra, e outra, ata 6...e ademáis tod@s xuntos! 22 Pimpíns traballando cada un na súa tarefa...).

2- Facer os tallos. Cada Pimpín tiña 3 anacos de papel crepé e retorcendo retorcendo e retorcendo conseguimos simular un tallo dunha flor.

3- A cada flor o seu pompón. O cadro ten 6 flores entón precisamos cantos pompóns??? 6! Cada Pimpín tiña 6 pompóns de diferentes cores e tiña que metelos en cada flor sen que coincidise a cor! 

4- Escribir o nome. Cada Pimpín colleu un lápis escribiu o seu nome  e logo colleu os rotuladores e repasouno. Consigna? Cada letra dunha cor! Fixémolo xenial!
5- Dedicatoria. Escribimos no sobre PARA MAMÁ...para que quede claro para quen é o noso agasallo, jejeje.

   O regalo que vedes na vosa casa é todo feito polos Pimpíns...o único no que tivemos axuda foi en que a profe forrou o noso cartón con papel, pegou as oveiras, os pompóns, os tallos e o lazo, e o noso nome. Todo o que vedes está tal cual o fixemos nós, sen retoques nin axudas. É 100%...

 MADE IN PIMPÍNS!!!

OsPimpínsDíaDaNai2014 - Movie Maker

EXCURSIÓN CASA DO QUEIXO

    O pasado 25 de Abril fomos de excursión á CASA DO QUEIXO, en Sobrado dos Monxes. Pasámolo xenial, fixemos un boliño de pan, queixo e visitamos aos animais que estaban na granxa. As monitoras quedaron encantadas cos nen@s de Cerceda, seica son moi bos e simpáticos...claro que sí! Dende aquí darlles as grazas a todas elas por seren tan atentas. 

   Queremos que vexades o ben que o pasamos. Aquí tedes un vídeo-resumo.

Día da Nai

   Os Pimpíns queremos agasallar ás nosas mamás cun regalo ben bonito pero para iso tivemos que traballar moitíiiiiiiiiiiiiiiisimo! Levamos traballando nel moito tempo, moitas tardes invertidas para que a mamá non se lle olvide este detalle do seu Pimpín! Aquí vos deixamos a nosa felicitación e o paquete ben pechadiño para que non se vexa nada do que hai dentro!

   O Día da Nai é o domingo por iso os Pimpíns argallamos un plan: chegar a casa, agochar o paquete e o domingo: TACHÁNNNNNN SORPREEEEESA! E por se a algúen se lle dá por abrir o regalo NOOOOON...porque o paquete pon ben clariño: PARA MAMÁ. jejejejeje!

   

AVISO