LÚA

   Hoxe adicamos o día á SUPERLÚA. Nada máis entrar, xa tiñamos ganas de falar da lúa...Eu vina! Eu tamén! Que grande era! Era de cor laranxa! 

  Aproveitando estas ganas de lúa, fixemos uns debuxiños. Puxemos o ceo negro, porque é de noite cando sae a lúa (neste caso cartolina negra) e a lúa branquiña e enooooooorme (cera branca).

  Aquí tedes as nosas SUPERLÚAS!!! Todas preciosas!

   Tamén lemos un conto que nos falaba da lúa. Uns animais querían saber a que sabía a lúa, así que xuntos, axudándose, lograron chegar ata ela e probala. Mmmm...a cada un sóubolle á súa comida favorita, ao rato sóubolle a queixo, ao mono a plátano, ...

   Nós pensamos... e a que saberá a lúa? As respostas foron ben variadas, jajajaja!

   Empanada, pizza, arroz, leituga e tomate, chocolate e nata, fresa, iogur! Xeniais estes Pimpíns!

   Ademais, aprendemos o que lle cantaban os animais á lúa...

Lúa, lúa, quero saber, 

a que sabes, xa dunha vez.

Dáme un cacho para probar,

non te afastes, quero xantar!!!