LAND ART

 Estivemos clasificando todo o que nos enviastes ao cole. Unha vez que estivo todo colocado e organizado, sentámonos todos xuntos e fomos compoñendo algún cadriño. IMPORTANTE! Cada vez, que colliamos algo, había que dicir o seu nome. Así saíron diferentes cousiñas...

 Despois, xa por grupos, puxemos unha base, neste caso unha cartolina. A idea era facelo con terra, así sería máis un auténtico LAND ART, pero xusto empezou estes días a chover e está todiño mollado, 😩. Entón, usamos a cartolina de base para os nosos cadros. Consignas, coller cada material de un en un, e falar cos nosos compañeir@s, para xuntos ir compoñendo o cadro. 

   Unha vez rematamos, tardamos bastante tempo porque fomos amodiño, camiñando pola clase, e collendo o que a nós nos parecía que quedaba mellor no noso cadro, falando cos compis da mesa...todo leva o seu tempo! Despois, tivemos un ratiño para compoñer libremente e saíron estas cariñas! Son simpáticas, non sí??? 🙆 Pelo, ollos, nariz, boca, algunha cara con cellas, e algún de nós, quería poñer o iris e a pupila, pero iso sí que foi moi difícil conseguilo!!! 😉