XOVES DE DISFRACES

   Hoxe viñemos desta guisa ao cole!jajaja! Pasámolo xenial! Botamos unhas risas...Iso sí, estivemos todo o día de troula. Pola mañá, deixamos a chaqueta e a mochila e fomos para a clase de 5 anos, alí xuntámonos todo Infantil e veña bailar. Xa, pola tarde, tocou ensaio outra vez no pavillón. Todo listo para mañá! 

   Que nervioooooooooooooooooooooooos!!!

   Aquí tedes unha foto para que vexades que guapos e guapas estabamos hoxe!

Foto de grupo!

   Pola tarde, fomos ao pavillón e Mickey Mouse atopou a Minnie e non puideron resistirse a darse un bico e unha aperta!!! E para iso, está a cámara, para captar momentos tan bonitos coma este!!! A miña Pimpina Alexandra (para min sempre o será) e o Pimpín Iago!

 

    O meu Pimpín Mario (sempre o será tamén aínda que xa sexa súper maior), atopouse con Darío e correndo veu dicirme...Profe, eu tamén quero sacar unha foto co meu irmán... Poooor suposto! Aquí está, foto para a familia Lorenzo Fraga!!! 

ÓSOS CAVERNÍCOLAS

   Soamente nos faltan uns retoques nos nosos ósos. Onte e hoxe tocou pintalos e mirade que concentración tiñamos! Había que tapalos moi moi ben, para que non se viran as boliñas que precisamente fixemos nós mesmos e o papel de cociña que usou a profe para envolvelos. Para iso, eran tantas bolas de papel, para os ósos e tamén para encher os garrotes. 

  

  

    *Familias, os disfraces quedáronvos moi chulos, noraboa e un aplauso para todos vós que colaborades en todo! Agora, soamente nos queda lucilos!

TARDE DE ENSAIO PARA O DESFILE

    Aínda que levamos xa unhas semanas bailando e bailando na clase os temas que soarán cando desfilemos o venres no pavillón, hoxe tocou ir ata alí. Coñecer por onde temos que ir, onde nos temos que situar e todo os pasos que debemos seguir. 

   Hoxe estivemos toda a tarde ensaiando, foi divertido pero tamén, tanta repetición cansounos un chisquiño, pero mañá hai que volver porque o venres, queremos facelo súperben!!!

   Ademais, quixemos facernos unha foto co coche cavernícola!!!

XOVES E VENRES

IMPORTANTE:   

O xoves, será o día do disfrace libre. Os Pimpíns, poden vir disfrazad@s do que eles/as queiran. Iso sí, na medida do posible, tratade de que sexa un disfrace cómodo, que lle permita ir a el/ela só/soa ao baño, que non leve cintos, nin tirantes. Graciñas pola vosa colaboración.

O venres, cos disfraces xa na aula (que estades traendo estes días xa ao cole). Vestirémonos na clase, colleremos os nosos complementos e iremos para o pavillón (ao carón do cole, xusto detrás da piscina) para facer o noso DESFILE!!!

Sobre das 12.10h. comezaremos, gustaríanos moitísimo vervos alí xa que temos preparada unhaaaaa!!!jajaja! Ímolo pasar xenial facendo de cavernícolas e ademais con coreografía, música e demais. Vai ser unha festa por todo o alto! Oxalá, poidades estar connosco!

ENTROIDO

   Este venres celebraremos o desfile do Entroido. Xa sabedes, imos ir disfrazados de CAVERNÍCOLAS.

Esperamos, que a nota que se vos enviou, fora de axuda á hora de elaborar os disfraces. Resultou bastante difícil, redactala, traspasar ao papel a idea que tiñamos as mestras na nosa cabeza. 

   Na aula, estamos a facer uns complementos para acompañar ao disfrace. Aquí tedes, aos Pimpíns facendo bolas e máis bolas con papel de xornal. Fixemos mil e unha! É que as precisamos para elaborar un dos nosos complementos, o GARROTE!!! Esta semana, comezamos cos ósos, que non osos, jajaja! E que os Pimpíns, din...profeeee....huesos, non osos, non imos levar un oso na cabeza!jajaja!

E MÁIS COUSAS...

Nicolás, quíxonos ensinar unhas caracolas, e tamén un súper libro que trae un montón de animais acuáticos e hai que xogar a atopalos! Diredes, e Nico e a profe din CARACOLÓFONO, jajaja! E que o profe Emilio, sempre que entra na clase, colle as caracolas e chama por teléfono, el pensa que é un teléfono de caracola, de aí o caracolófono! Este profe que é moi gracioso e a nós que nos fai rir un montón coas súas gracietas! Graciñas Nico!

ESCRIBIMOS

    Todos os días escribimos o noso nome. Unha vez, que o sabemos escribir, a cousa vaise complicando...facemos máis pequena a letra! Ten que entrar no recadro. Iso sí que é precisión! Ademais, case coñecemos todas as letras, de velas todos os días nos días da semana, nos nomes dos nosos compis, nos nomes dos peixes, polo que este trimestre estamos a practicar a súa grafía. Básicamente, a copia e reprodución das grafías. 

  Non é cousa doada, non pensedes...Teñen que ir seguidiñas, e ademais non pode faltar ningunha! Iso sí que é traballo de concentración! Mirar para o encerado, escribir na ficha, volver ao encerado, volver escribir, así seguido...Xa dixemos, non é cousa sinxela pero mirade que ben o facemos.

   Iso sí, todos os días, o noso axudante ou a nosa axudante, escribe unhas palabriñas na pizarra! A profe vaille dicindo os sons, e mirade todo o que sae!!! Excelente!

...E MÁIS COUSAS PARA O FONDO DO MAR

 Dani tróuxonos un xogo que nos encanta! Un TIBURÓN que quere comer un peixe!!! Unhas veces, pápao, e outras, escapa! jijijiji! Xa sabemos que a MERLUZA é a comida favorita de GASTÓN! ñaaaaaaam, ñaaaaaam. E ademais, fíxonos un acuario precioso que brilla, cun montón de peixes, ata un SUBMARINO!!! Graciñas Daniel!

*Este vídeo penso que non se pode ver dende o móbil (o meu non deixa, igual precisa dunha aplicación propia), sí se pode ver dende o ordenador. 

* E

EXCURSIÓN AO AQUARIUM

 A semana pasada tivemos a nosa primeira excursión!!! Saiu toooodo xenial, pasámolo pipa e ademais aprendemos un montón de cousiñas. Deixámosvos aquí o resume para que o desfrutedes tanto como o fixemos nós! Esperamos que vos guste un montón.

4 ANOS

Felicidades MATEO!!!

   Hoxe festexamos o cumple do Pimpín Mateo! Moitos parabéns! Un biscoitiño ben rico para merendar, con anaquiños de chocolate e gominolas, ñam ñam ñam! Graciñas Pimpín!

LIPDUB CPI O CRUCE

   Aquí tedes o LIPDUB de todo o cole! Hai moito traballo en cada unha das aulas, tras estes poucos minutos de vídeo. Dende aquí gracias aos mestres que conforman o equipo de TIC´s por ter a idea, propoñela e levala adiante e aos que cámara en man correstes por todo o cole para gravar a todo o mundo!!! E por suposto, a todos e a todas os que colaboraron e aos nenos e nenas do cole, que como sempre están fantástic@s!

   Os Pimpíns, creo que estabamos algo cansadiñ@s despois de varias tomas fallidas, pero...aí estamos como campións! Estupendos e estupendas! Un aplauso enorme. 👍👍👍

     Permitídeme, un saúdo especial dende aquí aos meus antigos Pimpíns que agora están en 1º. Sempre xeniais! Un bico enorme.😘

 

PRIMEIRA SAÍDA XUNTOS!

   Primeira saída superada e con éxito total!!! Todo saiu perfecto.    Encantounos o Aquarium! 

* Nuns días o vídeo enteiro da excursión!

1º EXCURSIÓN DOS PIMPÍNS

  Pimpíns, hoxe a durmir moi ben para estar mañá con toda a enerxía do mundo para ir de excursión!!!

Que nervioooooooos! Ímolo pasar xenial!

Xa sabedes:

- Roupa cómoda.

- Mochila cunha botella de auga e un tupper con merenda. 
- Lembrade que comemos no comedor! Non fai falta traer comida. Soamente algo de merenda.

   Vento e chuvia, marchade, que queremos pode saír para ver ás focas!!! Temporal vaite xaaaaaaa!!!

Gastón, estamos desexando verte!!!

ESCAMAS

   Esta semana adicámonos a ver as partes dos peixes, son iguais? son diferentes? Xa o temos clarísimo, son diferentes. Teñen ollos, boca, branquias, cola, e aletas e ademais escamas! Que mellor para aprender o que son as escamas, que ver ao PEIXE ARCOIRIS, sí sí, un peixe precioso que ten as escamas de cores!!!

   Estivemos buscando fotos deste peixe e vimos que realmente existe! A nós, o que máis nos gusta e o do conto: PEZ ARCOIRIS. 

E así, lanzámonos a pintar un para decorar a nosa aula! Quedounos precioso!!! Todo pintado por nós, agás a cara, e o fondo do mar que o fixo a profe...porque quedou un montón de pintura nos pratos e para non desperdiciala houbo que rematar de pintar! O toque de purpurina nas escamas encantounos!!!

PARTES DUN PEIXE E DECORANDO A AULA

   Un día apareceu así a nosa aula! Encantounos!!! E o millor de todo e que de vez en cando caía unha alguiña e alá que nos lanzabamos a por ela! Botamos así o día, os Pimpíns a recoller e a profe a pegar! jajajaja! Aproveitamos para simular que eramos peixiños no fondo do mar...movemos cola, movemos aletas, ...e así xurdiron as partes do peixe. Son iguais cas nosas? Ou son diferentes?

   Así, fomos buscar coa axuda do Señor Google, cales eran as partes dos peixes. Colas e aletas, aprendidas, pero iso das branquiaaaas...que serán! Despois de investigar, xa sabemos que é por onde respiran os peixes!

   Temos un pouco de lío con iso das branquias. Liámonos coas branquias e o espiráculo das baleas, pero DOKI axudounos a entender, que os peixes usan as branquias e as baleas o seu espiráculo. 

Que sabemos e que queremos saber?

   Cando empezamos o proxecto, tivemos varias conversas sobre que sabiamos do fondo do mar, quen había nel, que comían, como nadaban, un sinfín de conversas na alfombra que se resumen neste mural.

   Unha vez que xa temos un montón de cousas na aula, e as vimos todas, e xogamos con elas, é onde nos xurdiron as dúbidas...aquí tedes o que queremos saber.

MÁIS APORTACIÓNS AO PROXECTO

    Guauuu!!! Cantas cousas máis nos chegaron esta semana!!! Graciñas familias! Sodes incribles!

Xoel, fíxonos un libriño onde aparecen un montón de animais mariños! Vaia traballo! E tamén un polbo precioso de moitas cores! Xa sabemos que non son patas, senón tentáculos!!! Graciñas Xoel.

Mateo, de novo, trouxo máis cousas para o proxecto. Viña cargadiño! Un coral, unha caracola, o fondo do mar nunha botella de aquarius de laranxa! E outro nunha caixiña! Con animais mariños feitos con goma eva! Vaiaaaa traballo debeu dar iso! Graciñas Mateo. 

Carlos, trouxo un sobre e cando o abrimos! Guauuuuu unha foto dende Arxentina!!! O seu avó ten nas mans a ese pedazo de peixe! Estamos a investigar e pensamos que é o peixe gato por eses bigotes enormes que ten! Graciñas ao avó de Carlos e a ti Carlos.

Aleixo, de novo, trouxo unha sorpresa. Unha caixa enorme convertida no fondo do mar! Guauuu! Encantounos! Explicounos todos os animais que alí se atopaban e ademais, aaahhh unha cuncha! E quen estaría aí dentro??? Os Pimpíns pensamos que algo que se come...seguiremos investigando. Ademais, Aleixo explicounos que o peixes están nadando pero se tiramos pola cordiña poden subir ata a superficie! Xenial! Graciñas Aleixo.

Sabela, deixou na mesa do proxecto, outro libriño máis sobre o mar. Nel aparece unha balea, e estivemos investigando e xa sabemos como se chama o buratiño que ten na espalda e que bota auga! Espiráculo! Graciñas Sabela.