FIN DE ANO 2015

    A tod@s os Pimpíns e as súas familias desexarvos un BO NADAL! Que teñades unhas festas cheas de ledicia en compañía dos vosos. Pimpíns, desfrutade moito destas vacacións que á volta hai moito que traballar e que divertirse.

Vémonos o xoves, 7, de Xaneiro. 

   Deixámosvos un resumo da festa do venres, coa nosa celebración das badaladas 2015 comendo os gusanitos. Esta vez, tocounos a nós cambiar de aula, así que fomos para a nosa antiga aula e alí, sentadiñ@s na alfombra, co noso pano de papel contamos 12 gusanitos e ñam ñam ñam, cando soaba cada campanada. Feliz 2016!!!

CANCIÓN NADAL

   Levamos varias semanas practicando a canción de Santa Claus llegó a la ciudad de Luis Miguel. Fixemos 2 versións, unha acompañad@s da guitarra da profe Patricia e outra coa música de fondo e bailando (desta temos 2 vídeos para que se vexan ben tod@s os Pimpíns). Aquí vos deixamos os vídeos para que vexades, que tanto bailamos e nos movemos ao ritmo da canción, como somos capaces de sentarnos, cantar seguindo o ritmo e respectar os tempos. 

  

Os nosos traballiños

  O venres levamos todo o feito durante este trimestre para as nosas casas, eso sí, dentro das bolsas decoradas por nós, polos Pimpíns. Ao final quedou todo ben bonito! Esperamos que vos guste todo o que fixemos.

   

VISITA PAPÁ NOEL E REIS MAGOS

   O xoves veu á nosa aula Papá Noel. Tod@ caladiñ@s, sentad@s nas sillas e esperando a que fixera a súa aparición. Vaia sorpresaaaaaaa!!! Fomos de 1 en 1 a darlle un bico, a pedirlle un regaliño e a coller o que nos tiña el preparado!!! Un reloxooooooooooo!!!

   O venres, viñeron os Reis Magos a facernos unha visita! Acercámonos a eles e pedímoslle de novo que nos trouxeran un regaliño e despois eles déronnos uns caramelos. Tan emocionad@s estabamos que nin nos acordamos de facer unha foto con eles...

Conferencia con Papá Noel

    Esta semana fomos de sorpresa en sorpresa!

    Fixemos unha foto coa nosa decoración navideña.

  Este martes fixemos unha carta para os Reis Magos porque viñeron os carteiros reais para recollelas e así chegarán rapidiño rapidiño! Mañán seguro que nos veñen facer unha visita pero teñen moi pouco tempo polo que, xa temos o traballiño feito, e as cartas xa enviadas!

   Despois de entregar as cartas aos carteiros reais, fomos dereitiños á nosa conferencia con Papá Noel! 

   Sentad@s xa, estivemos falando de Papá Noel, esperando a que chamara, en canto o fixo, quedam@s tod@s calad@s e escoitamos con atención todo o que nos dicía, pedímoslle un regaliño e enviámoslle un bico. Aquí podedes ver o vídeo:

CANCIÓN DE NADAL

   O último día de clase, o 18 de decembro, faremos unha festa conxunta, como facemos sempre, c@s nos@s compis de 3 e 4 anos. Ademais de celebrar o fin de ano cos gusanitos tamén lles cantaremos unha canción. Hai un vídeo que en 3 anos encantábanos, quedabamos abraiad@s cada vez que o viamos na PDI. Este ano volvemos a velo, e fixámonos na canción, ...está chulaaa!! Bastante letra, diferentes estrofas, pero...os Pimpíns como sempre intentarémolo!!! Cada vez que temos un oquiño cantámola, entradas e saídas da aula, merenda, ... 

   Unha vez seleccionada a canción, pedímoslle á nosa profe Patri que nos botara unha man para aprender a canción. Quen mellor que a profe de Música para axudarnos co seu ukelele! Aquí tedes un pequeno adianto de como imos avanzando coa memorización da letra.

   Ademais esta semana estará chea de sorpresas! Quizais, Papa Noel, quizais os Reis Magos, quizais...non damos feito con tanta festa! jajajaja!!!

Regalo DINOSAURIOS

   Javi tróuxonos un regalo a clase!!! A súa tía Ángela, fíxonos un móvil de dinosaurios que está xenial!!! Precioooso!!! Fíxoo, xunto cos seus compañeir@s do centro ao que asiste, traballando moitas horas nel, e ademais con moito cariño. E tamén unha carta preciosa onde nos fala de todo o traballo que fai a diario no centro.

Graciaaaaaaaaaaas Angiiiiiiiiii!!!

   Os Pimpíns fixemos esta foto, agora imprimirémola e meterémola nun sobre xunto coas firmas dos Pimpíns para que tanto ti como os teus compañeiros e compañeiras a recibades con moito cariño. Será a nosa forma, de darvos a gracias polo regalo. Xa está colgado na nosa clase e encántanos!!!

Cumple Silvia

  O venres festexamos o cumple da profe! Cantámoslle o cumple feliz en todos os idiomas que sabemos: castelán, galego, inglés, italiano...Cando o primeiro pimpín cumpla 6 anos, animarémonos co francés, chino, japonés, nunca se sabe...Temos que elixir!

  Como xa manexamos a cámara fixémoslle una foto a profe (coa vela de 5 anos, non había outra, jajaja) e logo cando veu a profe Patricia xa sacamos unha foto tod@s xuntos, na 1a formais, foto de familia, e na 2a enviándolle un bico grande á profe!!!

Giovanna

    A nosa compi Giovanna marchou de viaxe e xa a estamos a botar de menos!!! O xoves houbo despedida pimpina. Gio dounos un bico a cada un de nós e cada un de nós desexoulle algo bonito; pasar unhas boas vacacións, que Papa Noel lle leve a Brasil moitos regalos, que teña un bo nadal, entre outros desexos. Ademais, ensinounos onde queda Brasil e concretamente, Sao Paulo que é a onde vai. Pásao moi ben amiga, desfruta moito, e que teñas un moi bo nadal!

                    Vémonos o ano que ven!!!

CARTAS AO MUJA

   Os Pimpíns temos unha serie de dúbidas. Despois de mirar en internet, nos libros, de preguntar na casa, seguimos con elas. Por iso, pensamos que o máis sinxelo sería preguntarlle a un paleontólogo ou paleontóloga. Como non coñecemos ningún, pensamos que quizáis nun museo...e que museo coñecemos? Pois o MUJA, xa que Martín- Rex falounos deste museo, visitouno e contounos todo o que alí había, ademais de ensinarnos unhas fotos impresionantes. Entón, decidimos escribila. Escribiuna a profe porque as ideas eran tantas, os Pimpíns falabamos tan tan rápido que ela foi recollendo todo o que dicíamos pero agora, tocaranos a nós escribila a cachiños pequenos e logo enviala. No dossier de Martín-Rex xa temos a dirección polo que en canto estea escrita temos que enviala.

  Aquí tedes un vídeo, dalgúns Pimpíns que nos animamos a escribir unha pequena carta na nosa carta e que quixemos compartir c@s nosos amig@s.

   Ademais séguennos chegando cousas de dinosaurios. Teo, na casa, animouse a facer un conto dun Estegosaurio. Precioso Teo!!!

   E seguimos encantados coa tablet dos dinosaurios. Javi, que gran acerto! Eso sí, imos gastarche todas as pilas!

O QUE MÁIS NOS GUSTA DA CLASE

  Esta semana as nosas fotos foron dirixidas a aquelo que máis nos gusta da nosa aula. Aquí tedes cada unha das fotos que fixeron os Pimpíns!

NADAL

   Esta semana pasada estivemos coa decoración de Nadal. Fixemos uns gorriños para a entrada do patio de infantil que nos quedaron preciosos. A decoración de cada Pimpín era libre, eso sí pintar con ceras brandas e pegar o espumillón, a cor a elixir polo Pimpín. Que chulis!

  Agora estamos coas bolsas dos traballos, xa están listas e preparadas para meter dentro os traballos, as fichas e tamén o proxecto dos dinosaurios. Soamente nos falta rematar a nosa postal, que vai a ser moi sinxela, unha árbore de nadal pero diferente, xa a veredes! Sorpresa, sorpresa!
   Por todo isto, non estamos a levar para casa a libreta Bombilla, porque estes días non tivemos nin un oco para collela, aos Pimpíns non se nos ocurriu ningunha súper-idea para poñer. Seguro que é porque estamos a tope co Nadal, cos últimos traballos dos dinosaurios, coas nosas presentacións das fichas de investigación do noso dino e tamén as lecturas da semana...entón a libreta seguro que a retomamos para o ano que ven.

LIÑA DO TEMPO

   Tratamos de explicar de xeito gráfico os distintos periodos da ERA MESOZOICA. Dende que apareceu o primeiro dinosaurio ata que apareceu o meteorito ou os volcáns se puxeron en erupción, xa que todo son hipóteses, e non sabe a verdade da súa desaparición. Os Pimpíns pasámolo xenial pensando hipóteses e deixando voar a nosa imaxinación do que puido e non puido suceder.

   Folio en branco, e a traballar, é difícil encontrarse cun folio en branco e empezar a organizar as nosas ideas (houbo algo de axuda, eso sí), como poño as raias para dividir a liña en 3...onde teño que empezar a escribir para que me colla todo...mesturo imaxe e letra...e despois explico todo o que fixen para que cobre sentido dentro da nosa cabeza e non quede nun simple debuxo. Importante, sempre verbalizar, explicar o que se fixemos.

5 ANOS

   Felicidades Danielaaaaaaaaaaa!!! Que ben o pasamos onte no teu cumple! Comimos un biscoito rico rico, e Daniela contounos os ingredientes que levaba, chocolate, fariña, ovos, mantequilla, entre outros. Pois estaba ben saboroso! Ademais, tamén nos trouxo a cada Pimpín e tamén ás mestras 2 oviños de chocolate. Gracias Danisaurio!!! Como estaba a profe Patricia na clase, as profes tamén aproveitaron a ocasión para facerse unha foto con nós.

PANGEA

    Xa sabemos como se chamaba a Terra cando existían os dinosaurios...PANGEA!!! A terra estaba toda xunta e rodeada de auga. Pouco a pouco sabemos que se foi separando polo choque das placas tectónicas ata chegar a ser tal e como hoxe a coñecemos.

5 ANOS

  Parabéns Martín!!! Hoxe tocoulle o turno de cumplir aniños a noso Martín-Rex. Moitas felicidades amigo! Xa 5 anos...que ben! Graciñas pola tarta, estaba riquísima e polas boliñas de chocolate, mmmmmm...que ricaaaaas!

FOTOGRAFÍA

 Esta semana empezamos a traballar coa cámara. Cada un de nós tiña que sacar unha foto, tiñamos dende o luns ata o venres. Cada vez que sacamos unha foto, anotamos unha X ao carón do noso nome nunha ficha que temos pegada na aula. Algunha destas fotos, teñen un chisco de axuda, xa que temos que encender a cámara, AAAAAAAh, o primeiro de todo poñer a corda de seguridade para que non se nos caia!!! Enfocar o que queremos sacar na foto, e premer o botón e sacala. 

Estas son as fotos desta semana!!!

Acuarelas

   Fixemos uns debuxos de dinosaurios e como o folio tiña un marco animámonos a pintalo coas acuarelas. Estamos pintándoo por grupos, para aprender como se fai, como se move o noso novo pincel, como teño que mollar primeiro o pincel para que logo a acuarela pinte. Non se pode mollar moito, por iso sempre temos un papeliño ao lado para ir secándoo. 

   Tamén é importante, limpar ben o pincel cada vez que cambiemos de cor e rematar limpando as acuarelas que puideran quedar manchadas para que así nos duren un montón e sigan pintando ben. Chegará o día no que o fagamos xa de xeito automático e tod@s xunt@s. 
   Mirade que chulada de debuxos!!! Son fantásticos!!!

PIMPISAURIOS

 Aquí tedes os nosos novos nomes!!! Pola mañá, o encargad@, ten que saudar a cada compañeir@ pero coidado!!! Agora ten que chamalo polo seu nome de Dinosaurio!jajaja!

CARTEL PIMPISAURIOS

   Xa levamos unhas semanas co noso novo cartel na porta da aula. Está baseado na película Jurassic Park (que xa sabemos que é unha peli de dinosaurios pero que dá un pouco de medo...). Agora falta a 2ª parte, e para  iso eliximos cada un de nós un dinosaurio e mesturamos ese nome co noso. Aquí tedes o cartel dos Pimpisaurios .

   Ademais na tarde de hoxe, decoramos un anaco de parede que estaba un pouco sosa, agora está estupenda!!! Cada Pimpín, tiña que debuxar co rotu especial o dinosaurio elixido por cada un de nós, pintalo con cera branda e recortalo coas tesoiras de formas facéndolle un contorno, pegalo nunha folla de cor, escribir o nome do dino e volver a recortar coa tesoira. Quedaron preciosos!!!

MARIO

 O noso compi Mario, marchou o pasado venres de viaxe. Vai tardar uns días en voltar...e a verdade, xa o estamos botando de menos. Antes de marchar, despedímonos dándolle unha forte aperta e un bico grande, e dicíndolle que o iamos botar de menos. Díxonos que marchaba para Canarias e pedímoslle que nos dixera onde quedaba no mapa. Aquí tedes a Mario ensinándonos onde está agora mesmo. Pimpín, desexámosche que o pases moi ben pero volve pronto!!!

BABY LOUIE

   Esta semana tocou falar dos ovos dos dinosaurios. Despois de facer de paleontólog@s entrounos a curiosidade. Cantos ovos pon un dinosaurio? Canto tardan en nacer?, entre outras dúbidas. 

   Vimos un vídeo do único fósil que existe dunha cría de dinosaurio que xusto acababa de nacer. O paleontólogo que o descubriu chamoulle Baby Louie. Os Pimpíns animámonos a facer as nosas hipóteses do que lle puido pasar a Baby Louie.

- Nese momento caeu o meteorito e morreu.

- Veu un dinosaurio carnívoro e o aplastou.

- Os volcáns da terra entraron en erupción e morreu.

- Morreu porque estaba xa enfermo dentro do ovo.

           Estas hipóteses son totalmente válidas, todo puido pasar!!!

  

Este vídeo impactounos moitísimo porque se pode ver como sería Baby Louie fai 200 millóns de anos! Guauuuuuuu!!!

   Fixemos a nosa primeira estimación. Se os dinosaurios poñen entre 20 e 30 ovos...tivemos que debuxar un número de ovos entre 20 e 30, ah!!! pero non valía debuxar nin 20 nin 30. Tivemos que buscar un número que estivera entre os dous. 

PALEONTÓLOG@S!

   O xoves fixemos o carné de Paleontólog@s, imprescindible para poder investigar a zona do colexio na procura de posibles fósibles. Pegar foto, cubrir a nosa profesión e o nome e pintar os apeiros necesarios. Unha vez list@s, aló fomos. 

   Saímos xunto aos nos@s compis de 4 anos A e puxémonos a explorar o terreno.

  Que sorpresa cando atopamos 2 ovos!!! Sí, sí, 2 ovos enterrados! Saltando de emoción estivemos un bo anaco! O que non temos claro e se son de dinosaurio ou non, de que serán...Ao final, pensamos que un, como era moi grande, podía ser de Diplodocus e o outro, o máis pequeno, de Gallimimus. Aínda que os ovos de dino son máis grandes, estamos algo despistad@s...Imaxinación ao poder!!!

   O máis importante de todo??? Pasar unha boa tarde, con ilusión, con estusiasmo, con ganas de explorar e investigar, atent@s a todo, escoitando con atención, axudándonos, e compartindo as nosas ideas, as nosas hipóteses. Isto sí que é importante!!!

Xogos de Dinosaurios

   Aquí vos deixamos todos os xogos que estamos a usar para aprender moitas cousas dos dinosaurios! Estarán dispoñibles tamén na columna da dereita do blog.
   Levamos xa varias semanas adicándolle un pouquiño da xornada a aprender xogando na Pdi.

 

5 ANOS

 Hoxe tocounos outra festiña! Felicidades Iker! Levamos uns luns de troulaaaaaaaaa, jajaja!!! Iker, fixo a súa coroa, ao seu gusto, e despois invitounos a un biscoitiño rico ricoooooooo! Gracias Iker.