ÚLTIMO DÍA DE CLASE

   Ola a tod@s! Hoxe escríbovos para darvos as GRACIAS! Sodes un grupo de pais/nais e demais familia, estupend@s, fíxonos moita ilusión que case tod@s estiverades con nós o día do festival. 

   MOITAS GRACIAS polos agasallos! Quédome alucinada con vós! Xa solo o feito de xuntarvos e poñervos dacordo, para min o é "todo". No momento, nin me din conta do que era o colar, os nervios, o estrés de todo o día, o rápido que pasou todo... Cando marchastes e o mirei con tranquilidade, fixeime en que tiña os nomes de todos os Pimpíns! Guauuuuuu! E ademais coa súa letra! Penso que podería recoñecer a letra de cada un deles no medio dun cento de nen@s...E o libro como o dos cumples! Que bonito!

 Antes de ir cara o Auditorio fixemos un último ensaio no que logramos estar os 22! Primeira vez! Os Pimpíns dicían: profe, outra vez...pufff xa o sabemos facer! Jajaja, xa o sei pero veña unha vez tod@s xuntiñ@s! Aquí o tedes. Pena non ter a actuación no Auditorio, se algún a tedes ou a podedes conseguir, avisádeme, escribídeme no blog ou mandade un mail a pimpins.ocruce@gmail.com

BO VERÁN PIMPÍNS!!!

Tedes moitos deberes que facer neste verán, recordade:

- Pasalo ben.

- Desfrutar xogando, rindo, ir á piscina, ir á praia, dar un paseo...

- Ser felices.

A profe estes días está de mudanza de aula...Como costa despedirse da que foi a "nosa aula" durante 2 anos. Trataremos de que a nova sexa igual de bonita e acolledora. 

Vémonos o 10 de SETEMBRO.

(as familias temos a reunión o día 4 ás 11)

A NOSA ACTUACIÓN

   Onte fixemos un ensaio no Auditorio de Cerceda. Non estamos tod@s os Pimpíns, pero é que foi imposible estar tod@s xunt@s esta semana. Mirade, que ben o fan estes Pimpíns! Emocionante!

BOLSAS VERÁN

   Os Pimpíns marchamos de vacacións e o que máis nos apetece é nadar, xa sexa na praia ou na piscina. Por isto, fixemos unhas bolsiñas onde os Pimpíns aparecemos buceando, coas nosas gafas e o avión típico da publicidade desexándonos BO VERÁN! Por outro lado da bolsa, un xeado ben rico, de 3 sabores diferentes e co noso sirope propio, feito por nós, de FRESA!

                                          

FESTIVAL

5 ANOS

  Hoxe festexamos o cumpleanos dos Pimpíns que cumplen no verán! Que TAAARTA! Tremendamente rica e tremendamente grande! Soamente quedou un pouquiño da parte de abaixo do biscoito que non tiña chocolate, jiji. O chocolate todo para as barrigolas e as gominolas...mmm!!! Aquí vos deixamos un sinfín de fotos do día de hoxe, estivemos moitísimo tempo facéndoas, primeiro Laura, despois Omar, agora Mateo, Omar tócache a ti, veña Hugo é o teu turno...Quedamos un pouco cansados de tanta foto pero...todos querían a súa cos compis claro!

GRACIAS ÁS MAMÁS QUE VOS ENCARGASTES DE ORGANIZAR O DA TARTA. OS PIMPÍNS QUEDARON ENCANTAD@S CON ELA.

A CALMA/A TRANQUILIDADE

  Presentámosvos á ABELLA OM. Esta abella sabe moito de calmarse cando é preciso polo que estamos traballando con ela para que nos axude a volver á calma cando estamos nerviosos ou enfadados e notamos que a rabia se apodera de nós. Os Pimpíns estivemos facendo uns exercicios da volta a calma en grupo. A verdade que moi ben, botamos moitas risas e quedamos todos calmadiños...tranquilos como a Abella Om.

   Xa estamos rematando o noso dossier das emocións. Aquí tedes unhas pinceladas dos nosos traballiños e das emocións que nos faltaban por traballar.

5 ANOS

   Este venres celebramos o cumple de Hugo Paz! Un biscoito de chocolate, mmm! Os que tanto nos gustan aos Pimpíns. Comémolo nun plis plas todiño. Logo tocou tirarlle das orelliñas, darlle bicos e achuchóns, bailar a nosa canción dos cumples e as fotiños para o recordo. Parabéns Hugo! Moitas felicidades!

FESTIVAL

   Estamos xa ensaiando a nosa coreografía coas cancións que nos toca bailar este ano. Para iso precisamos unha serie de complementos. Desta vez, as nenas levarán un abanico, se o poden ir traendo antes do venres, moito mellor, así xa imos ensaiando con el, e se algunha das PimpiFamilias ten un tambor, pedímosvos que no lo prestedes estes días e será devolto o día do Festival. Soamente precisamos un tambor. Graciñas.

   Estamos moi nerviosos, xa que desta vez o baile ten algo máis de complicación, máis pasos, máis cambios de ritmo...Esta semana que ven, ensaiaremos moitísimo para que quede bonito e vos guste un montón.

   Tamén estamos a tope coas bolsas de fin de curso que van a quedar chulísimas e rematando xa o noso proxecto das Emocións. 

CONTOS DE EMOCIÓNS

   Aquí vos presentamos unha colección de libros que estamos a ler. Cada un fálanos dunha emoción:

   As estrelas de cores. A alegría.

Os sacos de area. A tristeza.

A cola de dragón. A rabia.

A superheroína supersónica. O medo.

Cando estou tranquilo. A calma

COCOLOCO

Presentámosvos o noso COCOLOCO!

      Para fomentar o cálculo mental empezamos a traballar esta actividade. Dúas veces á semana, aproximadamente, sentámonos na alfombra e facemos unha ronda. Unha pregunta a cada Pimpín para que faga un cálculo. A profe fai a pregunta 1 vez, pódese pedir unha repetición, polo que como moito a pregunta farase 2 veces. Se se sabe xenial, senón pois non pasa nada, na seguinte ronda seguro que sí sabemos contestar. 

        É unha actividade moi motivadora, que como dixemos, axuda a crear estratexias para o cálculo mental. A nós gústanos moito!!!

   Na bolsa dos traballiños mandareivos as preguntas que traballamos os Pimpíns, están divididas en preguntas para 3 anos, 4 anos e 5 anos. As cifras pódense cambiar dependendo do nivel matemático que teña cada nen@.

       Enviareivos as fotocopias por se queredes ter unha idea de como traballar o cálculo pero eso sí, débense seguir unhas normas. 

- Non se pode presionar ao nen@ facéndolle mil preguntas. Podemos facelo como un xogo. De vez en cando, facer algunha pregunta. 

- Debemos adaptar o nivel ao do nen@. Nunca querer que o nen@ conteste algo que non é capaz de calcular. Podemos facer que se frustre e non queira saber nada máis do xogo.

- Nós, facémolo na clase, 2 veces á semana, e 1 pregunta para cada nen@. Polo que debedes ser conscientes de non excedervos, nin de facerlle constantemente preguntas.

- As preguntas son unha orientación, pero como todo na Educación, o mellor é que sexa motivador, polo que ese formato de preguntas adaptado á realidade do nen@ seguro que funciona mellor. 

   Como vedes, temos a serie numérica diante nosa todo o tempo, ata o 20. Algúns, sabemos máis do 20, outros estamos aprendendo ata o 20. O importante, é facelo ben, con calma, e sen presionar, a través de xogos, de actividades motivadoras e pouco a pouco iremos avanzando. Tamén temos o noso nome en Minúscula porque este trimestre xa empezamos con elas. A verdade é que nos parecen ben simpáticas, con tranquilidade, o que se anima a escribilas xenial, o que non, é porque non se sinte seguro, non pasa nada...cada Pimpín ao seu ritmo.

O VENTOSO

    Que ben o pasamos nesta excursión! Un día de calor, de sol, corremos, saltamos, rímonos un montón e fixemos moitísimas cousas! Aquí podedes ver un resumo de todas as actividades que fixemos!

FESTIVAL FIN DE CURSO

   Ao igual que o ano pasado, desta vez os Pimpíns tamén nos animamos a participar no festival de fin de curso. Imos preparar un bailoteo divertido como o que fixemos en 3 anos. Esta semana empezamos a elexir cancións e a preparar a nosa coreografía. A ver que sale desta vez!

   Estades invitados a ver este baile o último día de cole, o día 19 DE XUÑO, aínda non sabemos a hora pero xa vos teremos informados.

CONTO E PASAPORTE

   Este fin de semana os Pimpíns non levamos o conto para as nosas casas porque xa empezamos a recoller a nosa aula. Os contos teñen que ir de novo para a Biblioteca do cole para ver que todos están ben e así para o ano que ven poder elixir outros novos. Pasámolo xenial as tardes dos luns cando tocaba ensinar o noso traballo do conto! 

   Cada Pimpín ensinaba o seu conto, explicaba o seu debuxo, se lle gustou ou non e por qué e quen llo leu. Empezamos cun debuxo sinxelo e moitos Pimpíns remataron o pasaporte, dándolle un fondo ao debuxo, pintando as vías do tren polos dous lados, escribindo o título en minúscula!!! Que gran traballo Pimpíns!

  

   Felicitar a tod@s os PIMPÍNS por este traballo tan ben feito! 

  Felicitar a todas as FAMILIAS DOS PIMPÍNS por axudalos e lerlles cada semana o conto que lles tocaba!

CAIXA DOS SORRISOS

   Días atrás, algún de vós, repararía en que os Pimpíns, non tod@s, levaron unha cariña sorrinte. Falando da tristeza pensamos que unha boa axuda é un bico, un sorriso, entón decidimos facer sorrisos para todos aqueles que se sintan tristes. Ao finalizar a xornada, os que se sintan tristes, poden coller un sorriso da nosa caixa.  Os primeiros días, todos remataban a xornada tristes, pero dicíano cun sorriso...Pouco a pouco, imos entendendo que soamente cando estou triste de verdade, podo ir a caixa dos sorrisos...

EXCURSIÓN: MUSEO DO MOUCHO

   Aquí tedes o vídeo da excursión que fixemos fai un mes. Tivemos que recordarllo hoxe á nosa profe porque se olvidou!!! Profeeeee...hoxe vimos de excursión á granxa pero aínda non vimos o vídeo do moucho!!! Aaaaaaaaaaaaah...é verdade! Aí vai!

PALABRA BONITA

   Como xa dixemos noutra entrada do blog esta actividade converteuse nunha rutina. Primeiro comezamos co xogo DICIR ALGO BONITO, ao rematar as rutinas, cada un de nós dicíamoslle unha cousa bonita ao encargado do día. Despois, esta rutina, derivou na seguinte; o encargado/a cada día escribe na pizarra a PALABRA MÁIS BONITA DO MUNDO para el/ela. Aquí tedes unhas mostras.

ÚLTIMA EXCURSIÓN DO ANO!

   Mañán por fin é o día tan esperado polos Pimpíns! Imos de excursión! Imos a Laracha, á graxa-escola do Ventoso. Que ganas temoooooooos! Saímos ás 10h. e estaremos de volta ás 14h, polo que chegamos a tempo para ir ao comedor. 

QUE OCORRE CANDO...

   A semana pasada tocou dramatizar. Que é iso? Pois facer como se....estivésemos enfadados, alegres ou con moito medo. A cada grupo tocoulle unha emoción: Koalas- Alegría, Leóns- Tristeza, Canguros- Enfado, Hipopótamos- Medo, Osos- Calma ou Tranquilidade. Ademais tamén pensamos entre todos como podemos actuar cando os nosos compañeiros/as se sinten así.

ALEGRÍA

   Cando estamos alegres: sorrimos, bailamos, dámonos bicos, chocamos as 5 cos amigos/as, saltamos, xogamos e dámonos apertas.

TRISTEZA

   Cando estamos tristes: a nosa boca está cara abaixo, non temos ganas de nada pero un bico, unha aperta e un agarimo seguro que nos animan.

ENFADO

   Cando nos enfadamos: as cellas frúncense, sáenos a rabia polos puños, o mellor nestes casos e alonxarse e estar só un bo anaco, alí contamos ata 5, ata 10 se o enfado é moi grande e despois respiramos ata volver á calma.

MEDO

Cando sentimos medo: tapamos os ollos, agarrámonos, pechamos as mans, non queremos mirar, o corazón vainos moi rápido, que mellor que un amigo/a que ven con nós e nos dá a man, cando temos medo, ou un amigo/a que se senta ao noso carón cando os tronos non nos gustan, e tamén que ben se sinte un cando ven un amigo/a a axudarnos a saír da auga cando nós non podemos.

CALMA/TRANQUILIDADE

   Cando estamos tranquilo/as: respiramos lentamente, sentímonos ben, e as cousas que nos gustan facer son: ler un libro, facer un puzzle, pintar ou simplemente, estar sentado na asamblea escoitando ao encargado/a como fai as súas tarefas.