Seguimos enchendo a nosa aula de SUPERPODER!!!
Lucas tróuxonos a Gatuno e a Leonardo. Tamén a LadyBug nunha goma! Coa que temos prohibido borrar, por suposto.😂
Iván deixounos na clase o seu superLibro. Guauuuu! Ten un montón de curiosidades. Nada máis abrilo, xa averiguamos que Krypton, o planeta de Superman, ten 4 lúas! E o nome de Clark Kent en Krypton é Kal-El!
Andrea ensinounos a SuperGirl. Non sabemos moi ben se a prima de Superman é SuperGirl ou SuperWoman. Na nosa clase, decantámonos máis por SuperGirl.
Mateo, investigador de Thor, díxonos fai uns días que ía traer unha cousa de Thor. Nunca imaxinamos que sería o seu SuperMartelo!!! Nada, non houbo maneira de rompelo. Bateuno no chan, pero certo é que é indestrutible.
Aleixo ensinounos a súa SuperCamiseta. Capitán América!!!
Ademais, Capitán non aparece só, díxonos Aleixo, senón que está coa súa moza! Podedes vela xustiño detrás do Superheroe. E tamén trouxo un Superman.
Daniel, deixou no estante do proxecto a SUPERMAN. É o seu superheroe favorito.
No hay comentarios:
Publicar un comentario