Traballando a nosa táboa do 100

   Aínda que lle chamamos a táboa do 100, non ten o 100! jajaja, remata no 99 pero os Pimpíns, sabemos que logo ven o 100.

   Con ela facemos moitas actividades, por exemplo, cos tapóns que nos enviastes as familias. Collemos o tapón, poñémolo enriba dun número e imos saltando para adiante (estamos sumando), ou para atrás (restamos). Por exemplo, estamos no 15, saltamos 9, imos co noso taponciño para adiante ata chegar ao 24, entón sabemos que 15 + 9 = 24. 

   Outras, estamos no 55 (poñemos tapón) e queremos chegar ao 62 (poñemos tapón), Cantos saltiños temos que dar para chegar dun a outro??? 7 beeeeeeeen. 

   Todas estas actividades, ademais de traballar os números ata o 100 (os que dominan esta táboa, serían capaces de transferir estes coñecementos e dominar ata o 1000, pouco a pouco, jeje), xa que non nos imos quedar no 10, por que? non ten sentido...un neno de 5 anos está rodeado de todo tipo de cantidades e máis grandes ca un 10. O dito, ademais de traballar ata o 100, traballa o cálculo mental, saltamos para adiante, para atrás, algúns xa en vez de saltar un a un, xa salta directamente ao resultado (quere dicir que xa o fixo mentalmente).